Posts
Lalsangzuala
Assistant Professor, Mizo Dept, Mizoram University
Kharkhip(Quarantine)
Hlimna luang liam nui thawm
a leng vel a
rûn chhung kil tin a khawk a,
i ta ka ni
nang ka nei che
tia phun ri..
Khawlbawm chhunga
Chengthir tla ri ang maia
thangkhawk chu.
Ni sen sa hnuaia
zo khuangruah ang hian.
Sawi tham loh thlenga hual him tura
A kut vawta khawvel
hrawng bettu hi eng nge ni?
Ka tan
i tan pawh..
Tukverh chhuntu
chhuat dunga
ke lawnga
vei tuak vel hi
hmanlai ngaih
lunglen kaithotu a ni.
Hremhmun kawngka atangin
mupui a hram tuar tuar a
hringnun phuartu laka
vakvaite tihzalen tumin.
Lei nun nawmna chuan
chhia leh tha hriatna a thlung bet a.
A tak hmuhna darthlaleng chu,
mual tam danah a awm si.
No comments:
Post a Comment