TRANSLATION OF 'संगरोध' INTO BODO- Prof.Swarna Prabha Chainary

Prof.Swarna Prabha Chainary

Sahitya Akademi Translation Award (Bodo), 2012

Best Paper Presenter’s Award of the session at 2nd ICOAH Conference held in Colombo, Sri Lanka in July 2015

एखुथा

रंजानायजों आबुं खुसिया

ख्लाय ख्लाय मिनिग्लाबो

ननि खना खनला 

जेथिंजायबो साथिफबो

आरो खोनाफा माफा बुङो

नों आंनि

आं नोंनि...

सन्दुकाव

फैसा खुस्रानि रिंखांनाय बादि

ख्रिं ख्रिं रिंखाङो

गुसु अखा थरथिङा

दुंब्रुद बिखा साजों

दिलिननाय बादि

स्लेद दिलिनलाङो...

बेयो मा बादि गुसु बार

बेयो सोरनि बुहुम

जाय गासैबो समावनो बेंनानै लाखियो

आंखौ

आरो नोंखौबो...

बे फिसा लामाजों

ननि सोमोन्दोआ

जोबोद गोजाम

बेनि गेजेरजों

आथिंगोजा बारलांना

सु हाबजानाया

खन्थाइ बादिसो...

नोरखोनि बै लांगोनानिफ्राय

बाजोआ गाबज्रिहरो

न गैजारोङिफोरनो

न होगोन होनना बुंहरो...

गोसोनि सानस्रिफोरा

रंजानायनि जिनजिरिजों

खाथेजाना दं

मोगथाङाव नोंनि महरा

बेसेबा गोजानाव दिन्दांना दं...